Со оглед на големиот интерес на јавноста, Метаморфозис објавува нова, дополнета, верзија на анализата на веб-сајтови на претседателски кандидати, состојба од 5 април 2004 година, 12:50 часот. Доколку другите кандидати објават веб-презентации, ќе биде бидат вклучени во анализите. Ставките означени со ѕвездичка (*) се променети од претходната верзија на анализата (од 2 април), или се работи за нови рубрики (како на пример, во однос на бројачите).

Забелешки:

1. Според стандардот за користење на англиска латиница при модемско комуницирање на македонски јазик усвоен во текот на деведесеттите години и прифатен од најголем број на корисниците македонските ББС-и, стручњаци по Интернет и совесни преведувачи на англиски јазик. Верзијата за транслитерација која ја предлагаат авторите на Правописот (1998 г.) буквата „h“ ја заменува со „j“ (drzjavnik), но таа е сосем несоодветна за читање од страна на англиски говорители.
2. Според Законот за употребата на македонскиот јазик, секој јавно објавен текст мора да биде лекториран од соодветно образовано и овластено лице (лектор), а лекторот да биде потпишан во изданието. 
3. Букви од македонската азбука кои не ги поддржува кириличната кодна табела на Мајкрософт. На пример, „о“ со капа се употребува за зборот ôд (чекор).
4. Апликација која известува за посетеноста на веб-сајтот и е под контрола на сопственикот/администраторот.
5. Апликација која известува за посетеноста на веб-сајтот, но се наоѓа под контрола на друга компанија. Се активира со внесување на мало парче код во телото на сајтот и поради независноста на пресметувачот многу придонесува кон изградбата на кредибилитет и транспарентност. Еден од најпознатите такви сервиси е Сајтмитер (www.sitemeter.com).