Сподели:

?

Во 2007 г., ова истражување најмногу се фокусираше на употребата на лиценците Криејтив комонс при распространувањето на информации од јавниот сектор од страна на владините тела. Истражувањето го извршија Миреј ван Ешу и Бренда ван дер Вал.

Од ова истражување произлезе извештајот со наслов „Информации од јавниот сектор лиценцирани под Криејтив комонс: Можности и недостатоци“.

Пол Келер од Криејтив комонс - Холандија вели: „Мое лично мислење е дека овој извештај вреди да се прочита бидејќи во него е добро аргументирано (споредувајќи ги карактеристиките на индивидуалните CC лиценци со целите на легислативата за информации од јавниот сектор и холандската легислатива за слобода на информирање) користењето на најмалку рестриктивните лиценци (Криејтив комонс - Наведи извор) и поставувањето на информациите од јавниот сектор во јавниот домен. Со тоа, извештајот ја нагласува потребата од приспособување на CC0 (или барем на компонентата на CC0 за ослободување на некое авторско дело од авторски права) кон специфичностите (права на базата на податоци, морални права).

Иако извештајот се фокусира на состојбата во Холандија, тој истовремено би бил од полза и за проектите на Криејтив комонс во други земји. Пред сè затоа што холандската регулаторна рамка за информации од јавниот сектор е изведена од Европската Директива - ПСИ поради што би требало да биде доволно слична на регулаторната рамка на останатите земји-членки на ЕУ.