Сподели:

?

Мудл се нуди бесплатно како слободен софтвер со отворен код (под лиценцата ГНУ/ГПЛ). Тоа значи дека Мудл е заштитен со авторски права, но и дека корисниците имаат одредени слободи. Можете да го копирате, користите и модифицирате Мудл доколку се сложите: да им го пренесете изворниот код на другите, да не ја менувате или отстранувате оригиналната лиценца и авторски права, и да не ја применувате оваа лиценца за кое било изведено дело.

Мудл може да се инсталира на секој компјутер кој поддржува ПХП и база на податоци ЕсКјуЕл (на пример МајЕсКјуЕл). Работи на оперативните системи Виндоуз и Мекинтош како и на многу верзии на Линукс (на пример Ред Хет или Дебијан ГНУ). Постојат голем број добро информирани партнери на Мудл кои можат да ви обезбедат поддршка и дури би можеле да го хостираат вашиот сајт изработен со Мудл.

Разграничувањето помеѓу ИТ во библиотеките и ИКТ поддршката за учење е различно во различни универзитетски библиотеки. Доколку вашата библиотека обезбедува основна поддршка за околината за виртуелно учење во вашата институција, тогаш можеби ќе бидете заинтересирани за новата верзија на Мудл - 1.9.

Заедницата Мудл претставува одличен пример за заедница за слободен софтвер. Секако, информациите за новата верзија 1.9 покажуваат колкав број на компании, универзитети (големи и мали), и поединци значително придонеле за натамошниот развој на Мудл. Локализацијата се одвива постојано во Мудл заедницата,  а новите јазици во кои е локализиран Мудл се македонски, ерменски и монголски.

Извор: Мудл - Бесплатен систем со отворен код за управување со обуки и учење преку интернет