Сподели:

?

Оваа среда СподелиКино великодушно отстапува термин за една кратка презентација по повод Денот на слобода на документите организирана од Слободен софтвер Македонија во рамките на СподелиЗнаење.

Оваа манифестација ќе се одржи на 26 март, 2008 г. во повеќе земји во светот, иницирана од Европската фондација за слободен софтвер. Целта е да се подигне свеста за употребата на отворени стандарди и документи кои ќе можат да се употребуваат на која било платформа во секое време.

Слободата на документите претставува користење на отворени формати кои се базираат на отворени стандарди, а со тоа вашите податоци остануваат засекогаш под ваша контрола и ниеден неслободен формат не може да ги зароби.

Програма за оваа среда:

• вовед за Денот на слобода на документите
• презентација (Што се слободни документи? Зошто ми се потребни? Како до нив?)   
• практични примери од нашето е-секојдневие како да се снајдете со неслободните документи, како да ги заобиколите затворените стандарди и повеќе од тоа   
• прашања и одговори

Настанот ќе се одржи во Културниот центар „Точка“ на 26 март, 2008 г., во 20 часот.

Извор: Блог СподелиЗнаење - „Одбележување на денот на слобода на документите“ 24 март, 2008.