|
Голем број Италијанци беа непријатно изненадени кога на 30 април 2008
г., италијанската влада преку својата Агенција деле Ентрате на неколку
часа ги објави финансиските информации поднесени од сите италијански
даночни обврзници на веб-сајтот на агенцијата.
Иако функционираше само неколку часа, многу луѓе имаа можност да видат колку заработуваат другите, вклучувајќи ги и славните личности. Како што вели дневниот весник Кориере дела Сера, веб-сајтот беше „одлична можност со еден клик да се открие колку заработува вашиот колега, сосед, или славните личности“.
Сегашната централно-лево ориентирана влада ги објави сите пријавени оданочени приходи на граѓаните како дел од нејзиниот напад врз затајувањето даноци. Оваа кампања веднаш предизвика критики од потрошувачите, поборниците за приватност и политичарите. Здружението на потрошувачи АДОК ја смета оваа постапка за „јасно прекршување на законот за приватност“ бидејќи во даночните пријави немало никакво барање за согласност за објавување на податоците, па затоа, појавувањето на податоците на интернет е нелегално.
На жалба на Италијанското тело за заштита на податоци за нарушување на приватноста, италијанската државна благајна и нареди на државната даночна управа да го затвори веб-сајтот кој обезбедуваше целосни податоци за даночните пријави, вклучително и пријавениот приход и данокот платен за 2005, но и имиња, адреси и дати на раѓање.
Заменик министерот за финансии Винченцо Виско изјави дека не гледа во што е проблемот: „Тоа е транспарентност и демократија“. Масимо Романо, директорот на даночната управа, смета дека објавувањето било „во јавен интерес, со цел да се овозможи слободни кружење на информациите во рамки на транспарентноста“ и изјави дека постапката била во согласност со упатствата од контролорот на приватноста. Меѓутоа, Франческо Пизети, директорот на Италијанското тело за заштита на приватноста, изјави дека не бил информиран за ова.
Опозицијата која победи на изборите минатиот месец го обвини Виско за објавување на податоците како „чин на одмазда“. „Тоа е чудна постапка ако се земе предвид дека беше сторена на последниот ден пред заминување“ изјави Гвидо Кросето, член на партијата на Берлускони кој исто така додаде: „Даночните обврзници треба да плаќаат помали даноци, а не да знаат колку плаќаат сите други Италијанци.“
„Ова е лудост,“ беше коментарот на Бепе Грило, добро познат италијански комичар. Според него, Владата „им дала информации на криминалците за приходите и адресите на даночните обврзници.“ Тој исто така додаде: „Со ова, плаќањето даноци ќе стане многу опасно. (...) Ќе биде многу побезбедно доколку едноставно ги одбегнувате даноците и платите казна ако ве фатат.“
Uproar in Italy after Web publishes earning levels (30.04.2008)
http://www.reuters.com/article/marketsNews/idUSL3079138220080430
Garante Decision on the online financial information (only in Italian,
2.05.2008)
http://www.garanteprivacy.it/garante/doc.jsp?ID=1510761
Fiscal data, what does the law say? (only in Italian, 5.05.2008)
http://punto-informatico.it/2273614/PI/Commenti/Dati-fiscali--cosa-dic...
Fury as tax officials post details of every Italian's salary on internet
(1.05.2008)
http://www.dailymail.co.uk/pages/live/articles/news/worldnews.html?in_...
Do the rich pay taxes? Italy tells all (2.05.2008)
http://article.wn.com/view/2008/05/02/Do_the_rich_pay_taxes_Italy_tell...
Извор: ЕДРИ-грам "All Italian tax payers' data made public online by the Italian Government" Number 6.9, 7 May, 2008
(2172 hits/посети) |
