Сподели:

?

Пакетот Мајкрософт Офис 2007 веќе поддржува 20 различни формати на документи во склоп на Мајкрософт Офис Ворд, Офис Ексел и Офис Пауерпоинт. Со промовирањето на Мајкрософт Офис 2007 SP2 закажано за првата половина на 2009 г., во списокот на поддржани формати ќе се вклучат и XML, PDF, PDF/A и ODF.

При користењето на Сервис Пак 2, корисниците ќе можат да отвораат, уредуваат и зачувуваат документи користејќи го форматот ОДФ. Корисниците исто така ќе имаат можност да го постават ОДФ како однапред зададен формат на датотеки за Офис 2007. За да им обезбеди поддршка за ОДФ и на корисниците на постарите верзии на Мајкрософт Офис (XP и 2003), Мајкрософт ќе продолжи да соработува со заедницата на слободен софтвер во тековниот проект за превод на Open XML-ODF поставен на Сорсфорџ.нет.

„Ние сме посветени на обезбедување на поголем избор од формати на документи за корисниците на Офис пакетот и зголемена интероперабилност помеѓу тие формати и апликациите во кои се користат,“ изјави Крис Капосела, Висок потпретседател на Одделот за бизнис во Мајкрософт. „Со зголемувањето на отвореноста на нашите производи и активното учествување во развојот и одржувањето на стандардите за формати на документи, сметаме дека ќе можеме да помогнеме во создавањето на можности за програмерите и конкурентите, како и за членовите на заедниците на слободен софтвер, да воведат нови вредности за корисниците.

Извор: Microsoft PressPass "Microsoft Expands List of Formats Supported in Microsoft Office" 21 мај, 2008.