|
Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
|
|
Насловна  Вести Франција: Министерството за образование поттикнува употреба на софтвер со отворен код
|
|
|
|
Франција: Министерството за образование поттикнува употреба на софтвер со отворен код |
|
|
|
4.06.2008. |
|
Секторот за набавка на софтвер и софтверски лиценци при француското
Министерство за образование ја зголемува својата понуда на софтвер со
отворен код за 1.5 милиони наставници и просветни работници во 250
институти низ Франција.
На овој начин Доминик Верез, портпарол на “Софтверската група за високо образование и истражување“, го опишува договорот што тие го потпишаа со „Мандрива“ , француска компанија која произведува ГНУ/Линукс дистрибуција под истото име. Минатиот месец двете страни се договорија за попуст од 60 отсто за купување на комерцијалната верзија на слободниот софтвер за сите наставници и персоналот во француските училишта и универзитети. „Сакаме да промовираме алтернативни решенија, да понудиме поголем избор и нашите корисници помалку да зависат од продавачите на софтвер.“
Според Верез, во моментот едвај 10 проценти од француските школи и универзитети кои нудат постдипломски студии користат некој вид на ГНУ/Линукс. Тој вели дека сличен процент на корисници има и оперативниот систем Мек о-ес икс. „Мнозинството сè уште користи производи на Мајкрософт.“
Секторот преговара со продавачите на софтвер во име на француските школи и универзитети со постдипломски студии и се грижи за распространување на апликациите.
Договорот за попуст склучен со Мандрива ќе важи во наредните четири години. Не е евидентирано колкав број од француските школи и универзитети со постдипломски студии денес ја користат дистрибуцијата Мандрива на ГНУ/Линукс, рече Верез.
Извор: ИДАБЦ "FR: Education Ministry encourages Open Source use" 29 мај, 2008.
(4366 hits/посети) |
|
