|
Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
|
|
Насловна  Вести Со новиот телекомуникациски пакет се наметнува контрола на интернет корисниците
|
|
|
|
Со новиот телекомуникациски пакет се наметнува контрола на интернет корисниците |
|
|
|
15.07.2008. |
|
Жалбата на трите европски НВОи – La Quadrature du Net, netzpolitik.org
и Open Rights Group – открива некои вознемирувачки амандмани на
европарламентарците на нацрт-директивите за реформа на европската рамка
за електронски комуникации (телеком пакет).
Прегледот на телекомуникацискиот пакет едвај се фокусираше на прашања во врска со телекомот, но некои од 800-те амандмани на 5-те директиви што го сочинуваат тековниот пакет всушност одат подалеку од едноставно утврдување на улогите во пазарот на електронски комуникации и би можеле да го загрозат принципот на неутралност на интернет.
Некои амандмани ќе ги трансформираат интернет провајдерите од технички посредници кои немаат обврска да вршат надзор на содржините, во спроведувачи на законот. Затоа, можно е од нив да се побара да ги спречуваат нивните корисници во незаконски активности во интерес на нивната безбедност или да работат заедно со креаторите на содржини и организациите на сопствениците на права, вклучувајќи испраќање на заплашувачки пораки, без судско одобрение. Амандманот значи дека поддршката на сопствениците на интелектуални права би можела да го отвори патот кон цензурата и всушност би можела да значи загуба на приватноста на интернет.
„Политичарите кои се впуштаат во овие летни маневри не ја почитуваат Европа и нивниот мандат. Тие мислат дека никој не гледа што прават неколку дена пред годишниот одмор на парламентот, и дека можат да ја променат примарната цел на телекомуникацискиот пакет – заштита на потрошувачите. Тие го поплочуваат патот за надзорот и филтрирањето на интернетот од страна на приватни компании, вондредни судови и орвелски технички мерки. Тоа е незамисливо за слободата, но и за европскиот економски развој. Апелираме до сите европарламентарци да се спротивстават на она што и онака веќе го одбија.“ изјави Кристоф Есперн, ко-основач на La Quadrature du Net.
Трите организации ја поднесоа жалбата пред гласањето на 7 јули во Комитетите ITRE и IMCO на Европскиот парламент за предложените амандмани на телекомуникацискиот пакет. Пленарната дискусија и гласањето за целосниот пакет ќе се случи во септември, но гласањето во двата комитети може значајно да влијае врз конечниот резултат.
Mobilization Package Telecom ( in English, German and French)
Telecom Package warning document for IMCO/ITRE vote (30.06.2008)
The commented amendments in HTML format
Participate: Europe-wide action against the telecom package (only in German, 1.07.2008)
Write to your MEP: say no to "3 strikes" through the backdoor (2.07.2008)
Извор: ЕДРИ-грам „Control on Internet users pushed with the new telecom package“ бр. 6.13, 2 јули, 2008.
(2194 hits/посети) |
|
