Сподели:

?

Еден од членовите на парламентот кои го следат телекомуникацискиот пакет како и измените и дополнувањата на петте директиви што треба да ја реформираат правната рамка за електронски комуникации на ЕУ, објасни дека гласањето за овие амандмани немало врска со заштитата на авторските права: „Имаше големо чувство на вчудовиденост во комитетот во однос на начинот на кој се толкуваа овие амандмани. (...) Нивното толкување е панично, сее страв и застранува од намерата која всушност беше подобрување на правата на потрошувачите.“ изјави за Бибиси членот на Европскиот парламент Малком Харбоу.

Но невладините организации ги поддржаа нивните првични коментари дека документите што сега се усвоија би можеле да го отворат патот кон регулирањето на корисниците преку интернет провајдерите од страна на државните регулатори. Тие исто така го пофалија граѓанскиот одѕив на нивната кампања што стигна до некои членови на парламентот, кои истакнаа дел од проблематичните амандмани во телекомуникацискиот пакет за време на дебатите на комитетите на Европскиот парламент.

Другите прашања за приватност во врска со управувањето со податоци за сообраќајот создадоа проблеми во Комитетот на IMCO кој требаше да го вклучи и мислењето на Комитетот за граѓански права (LIBE). Но членовите на социјалистичката партија и партијата на зелените во Комитетот IMCO не го поддржаа предлогот на комитетот LIBE да се овозможи обработката на податоци за електронски сообраќај од страна на „кое било физичко или правно лице“.

За време на другите дискусии во Комитетот ITRE на ЕП беше отфрлена идејата за единствен телекомуникациски авторитет на ЕУ и наместо тоа беше предложена нова група со назив Тело на европските телекомуникациски регулатори (БЕРТ), формиран од 27-те национални регулаторни органи.

Комитетот ИТРЕ ги поддржа предлозите за зголемување на употребата на радио фреквенциите, но побара неколку мерки за заштита на медиумскиот плурализам, јавниот интерес или итните служби.

Конечното гласање за телекомуникацискиот пакет беше првобитно планирано за 2 септември, но бидејќи е јасно дека ќе има некои дебати околу горенаведените теми, гласањето беше одложено за седницата која започнува на 22 септември.

MEPs back contested telecoms plan (8.07.2008)

The "Telecoms Package": out of the shadows, into the light (10.07.2008)

MEPs discard plan for single EU telecoms watchdog (9.07.2008)

EU Parliament split over electronic data protection (10.07.2008)

EDRi-gram: Control on Internet users pushed with the new telecom package (2.08.2008)

Извор: ЕДРИ-грам „Vote in the EP committees on the Telecom Package“ бр. 6.14, 16 јули, 2008.