|
Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
|
|
|
Насловна
|
|
ТОП ВЕСТ |
|
e-Society.Mk 2008
 Четвртата меѓународна конференција „е-Општество.Мк“ ќе се одржи во Скопје, Македонија на 10 декември, 2008 г. Оваа година фокусот на конференцијата е користењето на информациско-комуникациските технологии во образованието. Вашето учество на конференцијата можете да го пријавите со пополнување на формуларот . Рокот за пријавување е до 16 часот на 1 декември 2008 година.
Започнува изборот на кандидати за Наградата на Светскиот самит 2009 за Македонија
 Наградата на Светскиот самит (World Summit Award – WSA) е глобална
иницијатива за избор и промоција на најдобра е-содржина којашто започна
да се доделува во 2003 година во рамките на Светскиот самит за
информатичко општество на Обединетите Нации во Женева. Процесот се
одвива преку национални избори и еден глобален избор, кои се одржуваат
на секои две години и голем број национални и меѓународни конференции и
работилници посветени на содржините.
|
|
|
|
|
|
|
Прекршочни пријави за пет оператори |
|
|
|
18.07.2008. |
|
Агенцијата за електронски комуникации вчера поднесе прекршочни пријави
против операторите кои до 15 јули не ги усогласија нивните системи со
Централната база на податоци за воведување на преносливост на броеви.
Од регулаторното тело информираат дека по нивната пријава судот може да им изрече казна на операторите во износ од 4 до 7 отсто од годишниот приход на операторот остварен во претходната деловна година.
"Само три оператори, ВИП оператор, Т-Мобиле и Мактел го завршија во целост усогласувањето. Тие како оператори, поединечно, се подготвени на граѓаните да им ја пружат услугата преносливост на броеви. За останатите оператори, ако во најкраток можен рок не го извршат системското усогласување со Централната база на податоци, Агенцијата за електронски комуникации ќе ги преземе и сите други мерки што и стојат на располагање согласно Законот за електронските комуникации", се вели во соопштението од Агенцијата, која вчера реагираше дека таа не го опструира или одолговлекува воведувањето на услугата преносливост на броеви.
АЕК по завчерашната средба со операторите информираше дека Космофон, Неотел, Он.тел, Некском и Актон не го испочитувале рокот.
Агенцијата на барање на оператори воведе период за пробно работење на операторите и најави дека по 31 август услугата комерцијално ќе им се понуди на граѓаните
Извор: Вест „Прекршочни пријави за пет оператори“ бр. 2427, 18 јули, 2008.
(2824 hits/посети) |
|
