| Предавање за студентите од Универзитетот „Трето доба“ |
|
|
|
| 21.11.2008 |
|
Вчера, со почеток во 17 часот, во просториите на Филозофскиот факултет се одржа информативно-едукативно предавање за студентите од скопскиот универзитет „Трето доба“, на тема: „Искористување на компјутерите и интернетот во секојдневниот живот“.
Публиката беше прекрасна. Слушателите внимателно и заинтересирано ја следеа презентацијата. Некои фаќаа и забелешки, други ги изразуваа своите воодушевувања по завршувањето на презентацијата. Интересен е фактот што голем број од присутните на оваа презентација, ги имаат поминато бесплатните компјутерски курсеви од владата на РМ, па ова предавање претставуваше дополнување на нивните знаења и проширување на нивните хоризонти. Ова предавање беше дел од редовните едукативни предавања за студентите од „Трето доба“, кои се одржуваат секој четврток, во истото време и на истото место. На ваквите средби обично присуствуваат по 70-100 слушатели.
Универзитетот „Трето доба“ е организација за доживотно учење и
активен-здрав живот во трето доба. Во неа членуваат околу 470
пензионери-студенти над 50-годишна возраст чија цел е континуирано
образование и дружење заради посодржаен живот. Покрај предавањата,
членовите посетуваат и разни курсеви, семинари, се вклучуваат во
културно-уметнички активности, одат на екскурзии (теренска настава) итн.
|