На 18 февруари, 2009, Кристин Албанел, францускиот министер за култура, пред Долниот дом го претстави контроверзниот нацрт-закон „Творењето и интернетот“ (т.н. Hadopi закон) повикувајќи за создавање на владина агенција која ќе управува со процесот на три предупредувања пред исклучување.

Законот којшто беше усвоен од Сенатот во октомври 2008 беше предмет на дискусија на замениците во правните комисии, а измените и дополнувањата ќе бидат презентирани за време на дебатите кои започнуваат по 4 март. Како и претходно, за време на долгите дискусии кои се случуваат веќе неколку години, за време на дебатите во правните комисии, каква било измена или дополнување во насока на глобална лиценца, како што е “креативниот придонес“ предложен од социјалистот Патрик Блош, беа одбиени. Предложениот механизам ќе имплицираше интернет претплатниците да им платат одредена сума на нивните интернет провајдери за легално преземање на материјал заштитен со авторски права. Собраните пари би можеле да се искористат за обесштетување на изведувачите за нивната работа. „Со универзална лиценца, собраните пари нема да одат само во џебовите на продуцентите, што дефинитивно се случува во моментот. Денес, надоместоците за авторски права на изведувачите се значително помали, додека надоместоците за авторски права на медиумските компании се многу поголеми, изјави“ Блош.

Николас Мобер, адвокат во адвокатската фирма Гид Лојрет Ноуел, вели дека доколку законот се изгласа во сегашната форма, сепак би можел да биде оспорен од француските судски органи. Блокирањето на интернет пристапот како санкција би можело да ги прекрши уставните заштити гарантирани од француското уставно тело (Уставен совет) изјави Мобер, кој додаде дека иницијативата за три предупредувања пред блокирање на интернет пристапот не мора само по себе да значи нешто лошо: „Сè уште се чини легитимно да запрашаме дали блокирањето на пристапот до интернетот е навистина „пропорционална мерка“. Особено сега, кога не можете да се замислите без пристап до интернет, без е-пошта, без информации.“

Во меѓувреме, како противтежа, според извештаите на Европскиот парламент, контроверзниот извештај Медина кој содржи повеќе мерки за поддршка на спроведувањето на авторските права, вклучувајќи зголемена одговорност за интернет провајдерите, секундарна одговорност за пир-ту-пир сајтови и три предупредувања, беше одложен и очигледно отстранет од агендата на Европскиот парламент.

Имајќи ја предвид острата реакција на спротивставување од страна на граѓаните низ цела Европа, се чини дека групата на социјалистите во Европскиот парламент го блокираше извештајот поради страв од губење гласови на наредните избори. Доколку се притискаше за извештајот Медина на пленарната седница, тој исто така ќе создадеше проблем и за телекомуникацискиот пакет. Парламентот можеше да не го донесе, поддржувајќи го амандманот 138 кој е против трите предупредувања пред блокирање на интернетот.

„Илјадници пораки преку е-пошта и телефонски повици од загрижени граѓани стигнаа до парламентот. Тоа покажува дека информираните граѓани заедно може да станат посилни отколку една мала група за индустриски притисок. Мораме да ја консолидираме оваа победа преку гарантирање, со второто читање на телекомуникацискиот пакет, дека интернетот ќе остане најфантастичниот напредок за нашите општества уште од измислувањето на пресата за печатење, изјави Џереми Цимерман, ко-основач на La Quadrature du Net.

French Legislature Puts Finishing Touches On Ambitious File-Sharing Law (23.02.2009)
http://www.ip-watch.org/weblog/2009/02/23/french-legislature-puts-fini...

Medina report indefinitely abandoned (22.02.2009)
http://www.iptegrity.com/index.php?option=com_content&task=view&am...

Copyright dogmatism temporarily kicked out of European Parliament (19.02.2009)
http://www.laquadrature.net/en/copyright-dogmatism-temporarily-kicked-...

EDRi-gram: One more step for France in adopting the graduated response (5.11.2008)
http://www.edri.org/edrigram/number6.21/french-senate-adopts-3-strikes

Извор: ЕДРИ-грам "HADOPI law close of creating a dangerous precedent" бр. 7.4, 25 февруари, 2009.