Сподели:

?

Корпорацијата Интел во соработка со Организацијата за образование, наука и култура на Обединетоте нации (УНЕСКО) се согласија да соработуваат на развивање на модел на наставен план за подобрување на употребата на информациско-комуникациската технологија (ИКТ) во училиштата и да воведат стандарди за подобрување на квалитетот на процесот на обука на предавачите.

УНЕСКО заедно со Интел ќе изработи наставен план кој ќе ги постави стандардите за потребните знаења и вештини од областа на ИКТ.  Потоа, наставниот план може да се употреби за содржинско обликување на обуките. Обете организации ќе работат на развивање на механизам според кој продавачите на курсеви, креаторите на образовната политика и предавачите ќе можат да го консултираат наставниот план за да проверат дали содржината на курсевите и обуките одговара на стандардите.

УНЕСКО се решил да соработува со Интел поради неговото огромно искуство во обуката на предавачи од областа на употреба на технологијата и помош истата да ја вклучат во наставните планови и програми. Преку својата програма „Интел предава за иднината“ (Intel Teach to the Future) Интел има обучено повеќе од 2 милиони предавачи ширум светот.

Соработката на Интел со УНЕСКО е дел од неговата иницијатива „Интелови иновации во образованието“ (Intel Innovation in Education) која претставува негова обврска во соработка со образовните институции и светските лидери да им се помогне на сегашните ученици да се подготват за идните предизвици. Основната цел на Интел е да помага во подобрување на образованието од областа на науката, математиката, инженерството и технологијата.