Сподели:

?

Германскиот тинејџер Свен Јашен се изјасни за виновен по обвинението за креирање нa компјутерскиот вирус Сасер (Sasser) кој уништи илјадници компјутери низ светот.

Пресудата за Јашен, за кого се смета дека го креирал и вирусот Нетски (Netsky), ќе биде соопштена на крајот од оваа недела.

Нему му се суди во Верден каде што е соочен со обвиненија за компјутерска саботажа, манипулирање со податоци и нарушување на јавни системи.

Обвиненијата предвидуваат затворска казна од пет години затвор, но се очекува Јашер да добие поблага казна затоа што бил малолетен кога го уапсиле. Тој може да добие предупредување или некаква јавна работа, но и да биде испратен во центар за малолетничка деликвенција.