Сподели:

?

Собранието на Република Македонија во средата со 62 гласови за, еден против и еден воздржан, го донесе Законот за слободен пристап до информации од јавен карактер.

Со Законот се остварува уставното начело што ги гарантира слободниот пристап до податоците и слободата на примање и пренесување информации, како и јавност во работењето на имателите на информации.

Предвидено е да се подготви листа на информации, за да можат оние што бараат да знаат со какви податоци располагаат имателите на информации и кои се достапни за нив. Имателите на информации, пак, имаат обврска на јавноста да и обезбедат достапност до текстовите на прописите, програмите, стратегиите и другите документи поврзани со нивниот делокруг на работа, како и начинот на кој тоа ќе го прават.

Согласно Законот, ќе биде формирана независна Комисија за заштита на правото за слободен пристап до информации од јавен карактер. Новата Комисија ќе биде составена од пет члена, а изборот на предлог на Владата ќе ги врши Собранието на Република Македонија.

Извор: МИА