|
Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
|
|
Насловна  Вести Нема услови за поевтино домашно „ало“
|
|
|
|
Нема услови за поевтино домашно „ало“ |
|
|
|
8.02.2006. |
Граѓаните нема да добијат поевтини локални телефонски разговори со утврдената цена за поврзување со мрежата на „Македонски телекомуникации“, оценуваат фирмите-кандидатки за фиксни телефонски оператори.
Тие сметаат дека со цената за интерконекција нема да можат да му конкурираат на Телекомот и бараат таа да се намали. Според нивните пресметки, најисплатливо ќе им биде да нудат само меѓународни телефонски разговори. Со овие цени за интерконекција ќе имаат големи трошоци во домашниот сообраќај, што ќе придонесе цената на нивниот импулс да биде повисока од таа што ја нуди Телекомот.
Дека цените за интерконекција се превисоки и не нудат можност за конкуренција смета и Анатолиј Велјановски од фирмата „Нетплус“.
- Од либерализацијата на телекомуникацискиот пазар корист треба да има крајниот корисник, со пониски цени и повеќе услуги. На овој начин само се продолжува монополот на Телекомот - оценува Велјановски.
- Во вакви услови, не сме заинтересирани за потпишување договор за интерконекција. Ќе даваме само услуги за меѓународни разговори, кои нема да се пренесуваат преку мрежата на Телекомот - вели Александар Димовски, од „Мегалајн“.
Идните фиксни оператори сметаат дека треба да изградат сопствена мрежа на која ќе привлечат што повеќе корисници за да го принудат Телекомот да ја намали цената.
- Нема да можеме да им понудиме на корисниците цени што ќе ги привлечат кон нашата мрежа. Цената на локалните разговори ќе биде поголема од таа на Телекомот - вели Маријан Гријаковиќ-Ѓуровски, од „Нексттел“.
Агенцијата за електронски комуникации со неколкумесечно задоцнување неодамна ги одобри цените за интерконекција од референтната понуда на Телекомот, кој веднаш поднесе жалба, бидејќи смета дека Агенцијата неоправдано им ги намалила цените за 30-40 отсто.
Марјан Блажевски
Извор: Дневник
(4854 hits/посети) |
|
