|
Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
|
|
Насловна  Вести Заеднички до дигитализација на книгите од Балканот
|
|
|
|
Заеднички до дигитализација на книгите од Балканот |
|
|
|
13.03.2006. |
Заедничка стратегија за побрз пристап до новата Европска библиотека, засилена дигитализација на вредните текстови и поголема размена на информации и искуства во рамките на електронската мрежа за библиотечни податоци - КОБИС, потпишаа директорите на универзитетските библиотеки во НУБ „Св. Климент Охридски“.
Договорот за заедничка соработка го потпишаа директорите на Националната и универзитетска библиотека од Сараево, на Народната и универзитетска библиотека од Љубљана, на Народната библиотека од Србија, на Централната народна библиотека од Цетиње, директорот на Институтот за информациски науки од Марибор, како и директорот на нашата Универзитетска библиотека, Борко Зафировски.
Според директорот на Универзитетска, Борко Зафировски, заедничкиот договор е примена на препораките од Европската Унија за развој на регионалната соработка.
- Ова е почеток на тоа што е сугестија од Брисел за развој на меѓународна и регионална соработка. Универзитетските библиотеки се чувари на културното богатство и без нив нема влез во Европската Унија. Овој договор е чекор поблиску до Европската библиотека, но и до европските институции - рече Зафировски на свеченоста во НУБ.
Според тој договор, библиотеките од регионот ќе подготват проекти со кои ќе привлечат и библиотеки од Бугарија, од Албанија и од Грција да се вклучат во КОБИС-мрежата. Ќе започнат и технолошка соработка, за да може што побрзо да се дигитализираат голем број списи и музички записи што потоа ќе бидат внесени и во каталозите на европските библиотеки.
Т.О.
Извор: Дневник
(4986 hits/посети) |
|
