Сподели:

?

Договорот е потпишан без тендер и без јасна стратегија за информатичкиот развој.

Државната комисија за спречување на корупцијата на вчерашната седница оцени дека договорот што Владата го потпиша со Мајкрософт е спроведен со нејавна постапка, без јавен тендер и без почитување на Законот за јавни набавки.

Комисијата во соопштение истакнува дека не биле земени предвид сите алтернативи за користење софтвери од други производители.
- Со Договорот ефектно и директно се создава уште еден монопол во Република Македонија, покрај тие во Окта, телекомот и други - се вели во истото соопштение.

Антикорупциската комисија смета дека Владата влегува во долгорочна лиценцна зависност од Мајкрософт, што ќе значи голем трошок за постојано плаќање нови верзии.

- Владата го потпишала договорот без јасна стратегија за натамошната ориентација за развој на информатичката технологија во државните институции, како и за развојот на домашните компании од оваа сфера.

Во согласност со договорот, плаќањето на обврските на Владата што произлегуваат од договорот ќе се врши директно на сметка на Мајкрософт - се истакнува во соопштението.