|
Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
|
|
Насловна  Вести Институциите се отвораат за граѓаните
|
|
|
|
Институциите се отвораат за граѓаните |
|
|
|
12.05.2006. |
Комисијата за слободен пристап до информации ќе профункционира од септември. Од есенва граѓаните ќе можат да се обратат до неа доколку сметаат дека им е скратено правото да ги добијат бараните податоци во институциите. Комисијата вчера одржа конститутивна седница и ја промовира својата работа. Членови на Комисијата ќе бидат дел од вработените во Агенцијата за информации, која ќе престане да постои. За другите сè уште се размислува каде да се прераспределат.
За претседател на Комисијата е именуван Јанко Николовски, досегашен раководител на сектор во Агенцијата за информации, а негов заменик ќе биде Хајрула Мисини, кој и досега бил заменик во Агенцијата. За членови се именувани и Љубица Станојовска и Олга Пешевска-Тричковска, кои работеле во Агенцијата, и Жанета Трајкоска, директор на Македонскиот институт за медиуми, како надворешен член.
Ж.Ѓ.
Извор: Утрински весник
(4715 hits/посети) |
|
