Сподели:

?

Во организација на „Експлоринг Маседониа“ , националниот портал за туризам, во саботата во земјава допатува Ричард Бангс , човекот кој се вбројува меѓу најпознатите светски авантуристи и кој има издадено 13 книги за авантуристичките патувања и публикувано над 500 новински текста. Тој е еден од врвните познавачи на Земјината топка, кој трага по нејзините скриени катчиња и истите ги презентира на широката јавност. Во Македонија тој ќе биде придружуван од новинар од Би-би-си травел .

Цел на нивната посета е снимање на петдневна авантура во нашата земја што ќе биде презентирана на Јаху (Yahoo) - една од светски најпосетените интернет-страници, со 420 милиони посетители месечно.

Македонија ќе биде седмата земја чии авантури и природни убавини се презентирани на овој начин.

Екипата ќе помине низ неколку региони: Охрид, Маврово, Галичник, Кокино, Кратово, Цоцев Камен, Скопје, Матка (пештери), Битола, Хераклеја, Прилеп, Пелагонија, Маркови кули, Струмица и Смоларски водопади.

Извор: Дневник