Сподели:

?

Веб-изданието на Вашингтон Пост им нуди прилика на блогерите да ги промовираат своите блогови, а притоа и да заработат. Имено, новата програма на веб-изданието на весникот, Спонзориран блогрол (Sponsored Blogroll), им овозможува на блогерите да почувствуваат како е да се блогира на веб-сајтот на Вашингтон Пост којшто има околу 8 милиони посетители месечно.

Спонзорираниот блогрол всушност претставува повик за партнерство меѓу весникот, блогерите и бизнис-заедницата што бара рекламен простор. Рекламните агенции и заинтересираните компании можат да откупат рекламен простор на блоговите, а блогерите и весникот ги делат парите од продажбата. Исто така, блогерите добиваат и ротирачки линкови до нивните блогови коишто се објавуваат на насловната страна на веб-сајтот на Вашингтон пост.

Вашингтон Пост главно е заинтересиран за блогови кои третираат теми поврзани со технологија, бизнис, автомобили и патување, но примаат пријави за блогови на сите теми.

Блогерите можат да ги пријавуваат своите блогови на линкот до Спонзорираниот блогрол.