- На граѓаните ќе им го доближиме искуството од поврзувањето во мрежа. Би сакале да ги поврземе болниците, училиштата и библиотеките и да изградиме мрежа што на луѓето во руралните области ќе им овозможи пристап до сите услуги. За образованието нудиме програми, како што е „ЦИСКО нетворкинг академија“ - изјави Иштван Пан од „ЦИСКО системи“ .

Според премиерот Никола Груевски, успех е што во Македонија доаѓа компанија што е светски лидер во комуникациската и информатичката технологија и во мрежното поврзување на интернет.

- „ЦИСКО системи“ ќе ја поддржуваат Македонија во градењето економија заснована на знаење и информатичко општество. Владата ќе гради партнерски однос со оваа компанија. Досега многу малку е направено во сферата на информатичкото општество и состојбите се далеку под задоволувачкото ниво - рече Груевски.

Извор: Дневник