Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
НасловнаВести „Он.нет“ влегува во фиксната телефонија
„Он.нет“ станува прв алтернативен оператор во фиксната телефонија откако Атила Сендреи, првиот човек на „Македонски телекомуникации“, и Предраг Чемерикиќ, генерален директор на „Он.нет“, потпишаа договор за интерконекција на 15 ноември 2006 година.
Во Телекомот информираа дека ова е првиот договор за интерконекција склучен меѓу МТ како доминантен оператор и „Он.нет“ како алтернативен оператор на фиксна телефонија. Договорот е подготвен врз основа на референтната понуда за интерконекција на „Македонски телекомуникации“.
„Потпишувањето на договорот за интерконекција покажува дека пазарот на телекомуникации во Македонија е либерализиран, а компанијата МТ е отворена за фер-конкуренција. Тоа е доказ и дека се почитуваат препораките на Европската Унија“, пишува во соопштението од Телекомот.
Оттаму ја поздравија конкуренцијата во фиксната телефонија и додадоа дека договорот за интерконекција им овозможува на алтернативните оператори да бидат конкуренти, особено во услугите во националниот и во меѓународниот сообраќај.
