Опис и цели на проектот

Во согласност со залагањата на Фондацијата Метаморфозис за премостување на „дигиталниот јаз“ и обезбедување на побрз социјален развој преку примена на информациските и комуникациските технологии (ИКТ), на крајот на 2004 година со поддршка на Фондацијата Институт Отворено општество – Македонија (ФИООМ) започна да се реализира проектот Дигитални клубови.

Оваа година, во рамките на проектот, Фондација Метаморфозис ќе поддржи формирање на нови Дигитални клубови – е-точки.

Дигиталните клубови (е-точките) се места кои нудат голем број активности и услуги кои вклучуваат пристап до ИКТ од страна на жителите во заедницата со цел поддршка на нивниот социјален и економски развој. Нивната мисија е обезбедување на едукација и пристап до електронски сервиси (веб, е –пошта и др.) како и промовирање идеи за позитивно ширење на информациските технологии меѓу луѓето без разлика на нивната возраст и потекло.

За да ја исполнат својата мисија, клубовите (е-точките) треба да работат на:

• Поттикнување на ИКТ писменост преку иновативни програми и проекти (обуки и сл.);
• Промовирање на идејата за е-инклузивност односно еднакво право на пристап до ИКТ за сите, како и подигање на свеста за важноста од вклучување во дигиталната ера;
• Обезбедување на собиралишта за поттикнување на развојот на работните вештини;
• Обезбедување на пристап до онлајн информации и ресурси, и
• Воспоставување соработка со локалната власт со цел доближување на услугите кои ги нуди општината до граѓаните. (Дигиталните клубови треба да бидат и е-точки кои ќе соработуваат со локалната власт и ќе им овозможат на граѓаните пристап до и користење на услугите на општината во самата е-точка)

Право на пријавување
Правни лица регистрирани во Република Македонија (невладини организации и фирми регистрирани во РМ).

Постапка за конкурирање
За овој конкурс нема стандарден образец за пријавување. Организациите што ќе аплицираат треба да го достават следново:

• Проектен документ кој треба да ги вклучи следните информации:
  
• Резиме на проектот
• Краток опис на организацијата (име, адреса, вид, копија од регистрација)
• Лице/а одговорно за водењето на организацијата (директор, одбор заедно со CV-a)
• Лице/а одговорно за раководење со проектот и кус опис на нивната надлежност и искуство (заедно со CV-a)
• Фази на реализација
• Програма на активности (детален распоред)
• Програма на планирани обуки
• Склучен преддоговор со лице/а кои ќе ги спроведуваат обуките заедно со нивно CV
• Склучен преддоговор со лице/а кои ќе работат во дигиталниот клуб (е-точка)
• Односи со јавноста (кој и како)
• Очекувани резултати
• Евалуација (кој и како)
• Детален буџет во денари (сопствен придонес, други извори)
• Писмо/а за подршка или соработка помеѓу организации и институции (со други НВО или локални организации)
• Писмо за поддршка и/или соработка со локалната власт
  

Општи критериуми за избор
Вреднувањето и изборот на проектите ќе се врши според следните критериуми:

• Соодветност на активностите на проектот со целите на проектот
• Капацитет на персоналот кој ќе го спроведува проектот
• Услови на просториите во кои ќе бидат сместени дигиталните клубови – е-точки (инфраструктура, близина на училишта, библиотеки, невладини организации, обезбеденост на просторијата)
• Големина на целните групи опфатени со проектот
• Предложени активности на дигиталниот клуб
• Постоење согласност од локалната власт за поддршка на реализацијата на проектот. 
• Предност при исти услови ќе имаат општините во кои нема јавни точки за интернет пристап.

Дигиталните клубови ќе треба да ги исполнат следните пропишани стандарди за е-точки:

• Соодветно осветлена просториjа
• Чиста просториjа (хигиеничар коj ке jа одржува просториjата минимум два пати неделно)
• Да има корпа за отпадоци
• Локациjата да биде на лесно достапно место
• Соодветно обележување
  

    * да има патоказ (оддалечен минимум 50 метри од просториjата)
    * да има истакнато натпис "Дигитален клуб..." (минимум метар на 50 сантиметри)
    * да има натписи внатре во самите простори

• Да има истакнато ценовник
• Да има санитарен jазол
• Брзина на интернет пристап минимум 64 kbps
• Минимум четири компjутери поврзани во мрежа
• Еден печатач
• Еден скенер
• Интернет пристап на сите компjутери
• Еден jавно обjавен телефонски броj
• Лиценциран софтвер
• Времето што корисникот го користи за пристап до е-услугите на jавната администрациjа да не се наплатува 
  
• Минимум едно лице присутно во просториите на 10 компjутери
• Вработените да бидат обучени да им помагаат на корисниците во користенье на услугите

НАПОМЕНА:
Дел од активностите што ќе ги нудат дигиталните клубови (е-точки) можат да бидат комерцијални, но не смеат да надминат 30% од вкупните услуги и активности на центарот.

За натамошни информации:
Метаморфозис, тел. (02) 3109 325, This e-mail address is being protected from spambots. You need JavaScript enabled to view it
Лице за контакт: Ана Трповска

Краен датум за пријавување: 5 март 2007, 17: 00 часот