Сподели:

?

Mинистерството за транспорт и врски во соработка со приватниот и граѓанскиот сектор, како и со сите релевантни државни институции, постапувајќи согласно Законот за електронски комуникации подготви предлог текст на Националната стратегија за развој на електронските комуникации со информатички технологии.

Предлог-текстот (.пдф, 537 КБ) е објавен на веб-сајтот на Министерството за транспорт и врски, а граѓаните можат да ги достават своите забелешки преку електронска пошта на Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете .

Во петок 30.03.2007 година, со почеток во 10:30 часот во хотел „Континентал“ ќе се одржи јавна расправа во врска со предлог-текстот на Националната стратегија за развој на електронските комуникации со информатички технологии, на која сите заинтересирани граѓани се поканети да присуствуваат и да достават свои коментари, забелешки и предлози по однос на текстот. Конструктивните забелешки ќе бидат вградени во текстот, кој понатаму ќе биде доставен на усвојување од страна на Владата на Република Македонија.