Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
НасловнаВести Се бараат кандидати за четврти мобилен оператор во Македонија
Се бараат кандидати за четврти мобилен оператор во Македонија
Агенцијата за електронски комуникации (АЕК) на 2.4.2007 година објави повик за компании заинтересирани да добијат фреквенции за услуги во мобилната телефонија. Во АЕК ги повикуваат кандидатите за четврти мобилен оператор во Македонија најдоцна до 10 мај писмено да ја известат дали се заинтересирани за користење на преостанатите слободни фреквенции за обезбедување јавни мобилни услуги.
Повикот на АЕК доаѓа по неодамнешната одлука на Владата за испитување на можноста за влез на четврти мобилен оператор на македонскиот телекомуникациски пазар. Во зависност од заинтересираните субјекти АЕК ќе распише тендер за нов мобилен оператор. Владата донесе одлука за влез на четврти мобилен оператор веднаш по доделување на лиценцата за работа на третиот оператор „Мобилком Австрија“, кој треба да почне да работи најдоцна за шест месеци. Негова конкуренција се постојните оператори „Т-мобиле Македонија“ и „Космофон“ .
