Сподели:

?

Секторот за информатичко-комуникациска технологија (ИКТ) е најбрзорастечка дејност во регионот, остварува извонредна висока додадена вредност и значително придонесува во извозот и зголемувањето на бруто-домашниот производ, изјави американската амбасадорка во Македонија, Џилијан Миловановиќ.

Таа во Скопје ја отвори дводневната конференција за развој на регионалната конкурентност во ИКТ-секторот, во организација на Американската агенција за развој (УСАИД).

Целта е да воспостават услови за малите компании да склучуваат договори за развој на софтвер со мултинационални корпорации.

- За оваа индустрија не е важно во која земја сте, каков пасош имате или каде сте пораснале. Таа индустрија овозможува малите земји да работат со големите фирми - рече Миловановиќ. Според неа, ќе има потреба од вработување нови лица во овој сектор.

Извор: Дневник