|
Метаморфозис е независна, непартиска и непрофитна фондација со седиште во Скопје, Република Македонија. Нејзини главни цели се развој на демократијата и просперитет преку промоција на економија базирана на знаење и информациско општество.
|
|
Насловна  Вести Најава: Промотивна турнеја на македонската верзија на лиценците Криејтив комонс - Велес
|
|
|
|
Најава: Промотивна турнеја на македонската верзија на лиценците Криејтив комонс - Велес |
|
|
|
21.11.2007. |
|
На 22 ноември, 2007 г., со почеток во 19:30 во Салонот при Музеј на град Велес ќе се одржи третото претставување на македонската верзија на лиценците Криејтив комонс.
На настанот учество ќе земат:
• писателот Алекса Букарски од Битола и
• музичката група Али Баба од Велес
Музичката група од Велес, Али Баба, за првпат јавно ќе се претстави со своите нумери пред македонската јавност. Али Баба е бенд кој што за своја подлога ја зема ориенталната ромска музика со совршен редолслед на џез елементи, со цел да се долови музичката тајна од блискиот исток. Овие автори воедно и ги лиценцираа своите дела под лиценцата Криејтив комонс со што ги направија достапни за користење преку интернет.
Втор уметник кој ќе се претстави во Велес е Алекса Букарски (www.bukarski.com), познатиот млад македонски писател и блогер, кој својата прва книга „Луѓе на кои не им се отвора падобранот“ ја објавува и на интернет под лиценцата Криејтив комонс. Тој пред велешката публика ќе чита делови од својата проза.
За прозата на Букарски интересна согледба дава колегата блогер, поетот и новинарот Ивица Антески: „За секој кој литературата ја осознал само преку вредностите што се воспоставуваат во македонскиот традиционален образовен систем, оваа проза е скандал; за другите - откровение!”
(3551 hits/посети) |
|
