Во два циклуса, Фондацијата Метаморфозис спроведе обука за мултимедија и нови медиуми за млади новинари. Првиот циклус се случуваше викендот на 5 и 6 јуни, а вториот викендот на 19 и 20 јуни. На обуката учествуваат 7 новинари, на кои по извршено тестирање им беа доделени сертификати за успешно совладување на материјата.

Целта на обуката е подготовка на новинарите од традиционалните медиуми за успешно вклучување во процесот на дигитализација и спремност за користење на сите технолошки предизвици кои стануваат потреба во нивната професија.

Агендата на обуката ги опфаќаше следните теми:

• Слобода на изразување на интернет
• Пишување за веб и блогирање
• Авторски права и слободни лиценци
• Користење на опрема за фотографирање  и обработка на фотографија
• Изработка, обработка, објавување и конверзија на аудио содржини
• Приватност на интернет
• Изработка, обработка и објавување на слајдкасти
• Изработка, обработка, објавување и конверзија на видео содржини
• Максимално искористување на социјалните медиуми во новинарската работа

Тренери на обуката беа Ирина Шумадиева, Елена Игнатова и Филип Стојановски.