| Пријавете се на Наградата на Светскиот самит за мобилни апликации |
 |
 |
 |
| Вести - Свет |
| 29.05.2012 |
|
Метаморфозис ги повикува заинтересираните кандидати од Македонија да пријавуваат свои апликации за мобилни телефони, кои може да бидат номинирани за учество на Наградата на Светскиот самит за мобилни апликации. Моментално, во тек се националните селекции за Наградата на Светскиот самит за мобилни апликации кој ги избира и промовира светски најдобрите мобилни содржини и иновативни апликации. Ова издание се базира на експертизата, механизмите и мрежата на Наградата на светскиот самит која се одржува на секои две години. Кандидатите можат да пријавуваат апликации во следниве категории: 1. м-бизнис и трговија Поддршка на м-бизнис процеси и комерцијални трансакции, вклучувајќи и резервации за патувања во реално време; создавање нови бизниси во областа на м-трговија; понуда на поволни услуги за клиентите и поддршка за малите и средни претпријатија на пазарот; користење на мобилни телефони за купување, продажба и банкарство, како и за опслужување на клиенти и за соработка со бизнис партнери. 2. м-влада и учество Испорачување мобилни услуги во јавните администрации за поединци, бизниси и организации, со цел да се подобри пристапот до услугите; поттикнување на квалитетот и ефикасноста на размената на информации и трансакциите ориентирани кон граѓаните; зголемување на учеството на поединци и групи. 3. м-учење и образование Задоволување на потребите на учениците да стекнат знаења и вештини преку мобилен телефон во светот кој брзо се менува; трансформирање на образовните институции со ресурси за учење преку мобилен; создавање активни заедници за м-учење и решенија за корпоративна обука, како и за доживотно учење. 4. м-забава и животен стил Спорт, игри, музика, мода и забава: обезбедување на производи и содржини за забава на мобилни телефони; забавување на корисникот со иновативни игри преку искористување на својствата на малите, преносни уреди, поддржување на интерактивната забава, мобилните содржини, услугите и додатоците за подобрување на квалитетот на животот. 5. м-туризам и култура Воведување на културното наследство кај мобилните платформи; прикажувајќи ги вредните културни дела јасно и информативно, користејќи најнова мобилна технологија; обезбедување водичи за разните култури, сајтови и предмети и сето тоа во повеќејазичен пакет. Овозможување на патниците да наоѓаат атракции, да бидат информирани и да уживаат во безбедното патување и да имаат пристап до најнови информации за патувања, подобрување на комбинираната употреба на јавниот превоз, поддршка на ориентирањето во градовите и селските средини, овозможувајќи на хотелската индустрија да допре до клиентите, обезбедувајќи нови перспективи за просторот околу нас, користејќи мапи и содржини базирани на навигација. 6. м-медиуми и вести Пријавување на вести со помош на мобилен телефон, краудсорсинг, граѓанско новинарство, известување за природни катастрофи, јавни кампањи, мултимедиски вести, услуги на пребарување и агрегирање преку мобилни медиуми; нови форми на мобилни видеа и м-ТВ, филмови и тековни случувања. 7. м-животна средина и здравство Содржини и услуги за поттикнување на одржливи модели на живеење; паметна употреба на мобилни медиуми за промовирање на зелена енергија; нови мобилни пристапи за следење и намалување на загадувањето; мобилни портали и апликации за социјални медиуми за да се поттикнат климатски контроли и холистички еколошки навики; модели на здравствена заштита ориентирани кон клиентите, каде што заинтересираните страни соработуваат; мобилни технологии за обезбедување здравствена заштита и за задоволување на потребите на граѓаните, пациентите, здравствените работници; услуги за алармирање при епидемија и пандемија; образование за здравје и бихевиоризам. 8. м-инклузивност и оспособување Мерки за поддршка на интеграцијата во рамките на глобалното информатичко општество; внесување на најмалку развиените региони и групи на општеството во мобилното информатичко општество; намалување на „дигиталниот јаз“ меѓу технолошки напредните и технолошки неразвиените заедници, како на пример групи во руралните средини, жени, постари граѓани, лица со хендикеп и деца; поврзување на општеството преку мобилни содржини и апликации; оспособување на граѓаните и засегнатите страни во јавните сервиси. Пријавените апликации ќе се оценуваат според следните критериуми: 1. Квалитет и опсежност на содржината 2. Леснотија при користење на мал екран: навигација и ориентација 3. Квалитет на дизајнот: естетска вредност на применетата графика, музика и звуци 4. Опсег на функционалности 5. Технички квалитети: изведба, мајсторство, стабилност Дополнително, апликациите треба да се од стратешка важност за развојот на едно квалитетно информатичко општество, а истовремено да се финансиски пристапни за целната група на која се наменети. При аплицирањето, кандидатите треба да испратат краток опис на апликацијата, слики фатени од процесот на нејзината работа, како и информации за начинот на преземање и платформата за која се развиени. Ги повикуваме сите ентузијасти кои сакаат да добијат можност за учество на Наградата на Светскиот самит за мобилни апликации да ги испратат потребните содржини и информации за контакт на bardhyl_AT_metamorphosis.org.mk. Крајниот рок за пријавување е 15 јули, 2012 г. |
Наши активности
- Македонија: Одржана конференцијата „Одржливост на новите медиуми“
- Предавање и работилница за зелени технологии на УИНТ
- Започна првиот NASA Space App Challenge во Македонија
- Одржана презентација за политики за приватност за претприемачи
- Оглас: Ангажирање на веб-програмер
- Македонија: Расте бројот на е-продавници и процентот на присутност на политики за приватност
Метаморфозис на социјални мрежи
 |
 |
 |
 |
Наши изданија
Приватност на интернет на лесен начин
Освен во случаите каде што не е експлицитно наведено поинаку, содржините на овој веб-сајт се лиценцирани
според лиценцата на Creative Commons Наведи извор-Некомерцијално-Без адаптирани дела 2.5