Pas realizimit të trajnimit të parë nga projekti për rritjen e njohurive dhe të shkathtësive të gazetarëve, me qëllim të adaptimit të tyre me nevojat dhe trendet aktuale në gazetari, fondacioni Metamorfozis realizoi edhe 2 trajnime të këtilla, me të cilat u përfshinë edhe 2 redaksi plotësuese.

Në kuadër të projektit për bashkëpunim të decentralizuar ndërmjet Maqedonisë dhe Normandisë së Ulët, fondacioni Metamorfozis në bashkëpunim me partnerët lokalë Fondacionin Fokus nga Velesi dhe Qendrën për zhvillim të qëndrueshëm të komunitetit në Dibër, kah fundi i muajit prill organizoi 2 wiki-maratone. Qëllimi i këtyre ngjarjeve ishte të promovohet wiki-teknologjia si mjet për shpërndarjen e informatave me rëndësi lokale në më tepër komuna të Republikës së Maqedonisë dhe të ngritet vetëdija për pjesëmarrje aktive qytetare duke i shfrytëzuar teknologjitë e reja.

Gjatë muajit prill, në kuadër të projektit Mediumet sociale për demokraci, Fondacioni Metamorfozis, në bashkëpunim me universitetet e Republikës së Maqedonisë mbajti 5 debate në këtë temë. Debatet u mbajtën në Shkup në Universitetin evropian, në Universitetin FON dhe në Universitetin për turizëm dhe menaxhment, si dhe në Shtip në Universitetinn "Goce Dellçev" dhe në Universitetin Shtetëror të Tetovës.

Me qëllim të ngritjes së vetëdijes për mbrojtjen e privatësisë së shfrytëzuesve të internetit në mesin e pjesëtarëve të grupeve kyçe të qëllimit, më 18 prill 2012, përfaqësuesi i Fondacionit Metamorfozis mbajti një prezantim në kuadër të trajnimeve për hapje të e-shitoreve të organizuara nga Еkskuizit në inkubatorin Yes.