| Обединето Кралство: „Владата треба да мигрира кон софтвер со отворен код за да заштеди пари“ |
 |
 |
 |
| Lajme - Bota |
| E mërkurë, 14 Korrik 2010 12:09 |
|
Владата на Велика Британија предложи миграција на администрацијата кон софтвер со отворен код, заменувајќи ги комерцијалните оперативни системи и канцелариски алатки, со цел заштеда на пари. Минатиот месец, британскиот премиер Дејвид Камерон побара од 600.000 владини службеници да предложат идеи за заштеда на пари. Од речиси 60.000 поднесени идеи, Државниот трезор на Обединетото Кралство - владиниот оддел одговорен за јавната финансиска и економска политика минатата недела објави 31 идеја. Според осмата идеја на листата: „кога веќе станува збор за заштеда – зошто да не мигрира целата влада (националната служба за здравство, образование итн.) од производите на Мајкрософт кон Линукс и кон софтвер со отворен код како што е Опен офис“. Идеја број 28: „Да се поништи владиниот договор со Мајкрософт за да се обезбеди софтвер и оперативни системи за владините оддели и да се премине кон користење на слободен софтвер со отворен код и оперативни системи базирани на Линукс. Тоа ќе ги намали трошоците преку: намалување на потребата за ажурирање на хардвер во согласност со новите оперативни системи на Мајкрософт. Трошоците за одржување на оперативниот систем Линукс и софтверот со отворен код се пониски на долгорочен план и истите се помалку подложни на вируси. Поддржете различен компании од ИТ индустријата наместо само една корпорација, со што би се генерирале дополнителни приходи од даноци во Обединетото Кралство“. Објавувајќи ја листата на 9 јули, министерот за финансии Џорџ Озборн ги повика граѓаните на Обединетото Кралство да му ги испратат „нивните најдобри идеи околу тоа како да се извлече максимумот од јавните услуги, со помалку пари“. Државниот трезор на Обединетото Кралство предупредува дека тие 31 идеи сè уште не се избрани за понатамошно разработување или имплементација. „Сите тие ќе бидат земени предвид поединечно, како и другите испратени идеи“. Сепак, тоа не е прв пат Озборн да сугерира мигрирање кон слободен софтвер со отворен код. Во својот напис во дневниот весник Тајмс од 3 февруари, 2009 г., тој препорача британската влада „да го следи примерот на бизнисите низ светот и да ја искористи технологијата со отворен код“. Британската влада бара начини да го намали буџетскиот дефицит од 185 милијарди евра. Извор: OSOR.eu "UK: Government should move to open source to save money" 14 јули, 2010 |
Aktivitetet tona
- Maqedoni: Mbahet konferenca "Qëndrueshmëria e mediave të reja"
- Ligjëratë dhe punëtori për teknologji të gjelbra në USHTI
- Filloi për herë të parë NASA Space App Challenge në Maqedoni
- Mbahet prezantim për politikat për privatësi për ndërmarrësit
- Shpallje: Angazhim i programuesit për ueb
- Maqedoni: Rritet numri i e-shitoreve dhe përqindja e pranisë së politikave për privatësi
Metamorfozis në rrjetat sociale
 |
 |
 |
 |
Botimet tona
Privatësia në internet në mënyrë të lehtë
Përveç në rastet kur në mënyrë eksplicite nuk është theksuar ndryshe, përmbajtjet e kësaj ueb-faqeje janë të licencuara
sipas licencës Creative Commons Thekso Burimin - Jokomerciale - Pa vepra të adaptuara 2.5.