Qëllimi i punëtorisë është bartja e njohurive dhe leksionet e mësuara nga Bashkimi Evropian për organizatat e interesuara që t'i nxënë njohuritë e nevojshme për përfaqësim publik në fushën e përmirësimit të sistemit për menaxhim me e-mbeturinat në Kroaci.

Pjesëmarrësit e punëtorisë:

• Dë të kuptojnë më tepër për disa nga çështjet kryesore që kanë të bëjnë me e-mbeturinat dhe do të mund që ato njohuri t'ua përcjellin anëtarëve të organizatave të tyre dhe komunitetit të tyre lokal
• Do t'i mësojnë disa nga qasjet për menaxhim me e-mbeturinat, duke e përfshirë edhe Direktivën për mbeturinat e pajisjeve elektrike dhe elektronike (WEEE)
• Do të kuptojnë se si mund të shfrytëzohen rezultatet e hulumtimit nacional për sistemin për menaxhim me e-mbeturinat për përfaqësim publik
• Do të marrin informata për resurset relevante siç janë doracakë dhe prezantime të ndryshme

Rrjeti ballkanik për përfaqësim gjatë menaxhimit me e-mbeturina (BEWMAN) është projekt dyvjeçar i iniciuar dhe i menaxhuar nga Fondacioni Metamorfozis dhe kofinancuar nga Bashkimi Evropian nëpërmjet IPA me qëllim që të kontribuojë në përmirësimin e kornizës ligjore dhe institucionale për menaxhim të rregullt me e-mbeturinat në Maqedoni, Serbi, Kroaci dhe Bullgari, në përputhje me direktivat dhe standardet relevante të BE-së.