Shqip
Почетна TIK Lajme EDRI Shpërblimet Big Brother: Austri 2011
Shpërblimet Big Brother: Austri 2011 pdf Shtyp Email
Lajme - EDRI
E martë, 15 Nandor 2011 17:30
Ndarja e shpërblimeve austriake të trembëdhjeta me radhë, Big Brother, u mbajt në teatrin Rabenhof në Vjenë, më 25 tetor 2011.

Hyrja u desh të mbyllej një orë para fillimit, për shkak se teatri ishte mbushur përplot. Mbi 350 persona e ndoqën ngjarje brenda në sallë, kurse një numër edhe më i madh e ndoqën transmetimin për së gjalli nëpërmjet internetit ose u mblodhën në vende publike në Vjenë, Grac dhe Linc.

Ngjarjen e moderoi komedianti austriak Diter Shmelar, i shoqëruar nga një bend fantastik dhe dy performanse skenike muzikore që u ekzekutuan për së gjalli. Shpërblimet i ndanë kryeredaktori i javores më të madhe austriake dhe profesorë të dalluar universitarë. Personat VIP në skenë ishin: Huan Manuel Biain, regjisor i filmit "Neni 12", Xhejms Vasili në emër të Freedom Box dhe Piter Frank, kryetar i Chaos Computer Club.

Ceremonia e emërimit dhe e turpërimit zhvillohej paralelisht me sulme të të qeshurit dhe me aplaudime. Fishkëllimat e kaluan nivelin prej 100 decibelësh kur veterani austriak për tabloide dhe njeriu i shpallur për armik të privatësisë, Volfgang Felner, e fitoi shpërblimin Big Brother të titulluar "gjyshi i gazetarisë-incest". Në mesin e fituesve të tjerë (lexo humbësve) që e fituan shpërblimin ishin: drejtori ekzekutiv i Telekomit të Austrisë, ministrat për punë të brendshme dhe drejtësi, shefi i njësitit policor anti-terrorist, ndërsa shpërblimin për kërcënim jetësor e fitoi Mark Zukerberg. Shpërblimi „Defensor Libertatis“ i takoi Maks Shremsit për fushatën "Evropa kundër Facebook".

Shpërblimet e trembëdhjeta austriake Big Brother i organizoi anëtari EDRI-t, Quintessenz, ndërsa ishin të përkrahura nga individë nga organizata të tjera si VIBE!, platforma austriake kundër ruajtjes së të dhënave, no-pnr.org, etj.


Burimi: ЕDRI-gram „Austrian Big Brother Awards 2011“

Austrian Big Brother Awards 2011

 

Botimet tona

  • image
  • image
  • image
  • image
  • image
  • image
  • image
  • image
  • image

Rrjeti ballkanik për përfaqësim gjatë menaxhimit të e-mbeturinave

mwsa-2014-banner-mm1

Privatësia në internet në mënyrë të lehtë

Filmovi-opme-alb
Igri-opme-alb

Creative Commons iconPërveç në rastet kur në mënyrë eksplicite nuk është theksuar ndryshe, përmbajtjet e kësaj ueb-faqeje janë të licencuara
sipas licencës Creative Commons Thekso Burimin - Jokomerciale - Pa vepra të adaptuara 2.5.